КАЛЕНДАРЬ 2024
15.08.2023
«Археология – баға жетпес қазына» жылдам көрме, ақпарат сағаты
Ғ.Сланов атындағы облыстық ғылыми әмбебап кітапханасы 15 тамыз – Халықаралық археологтар күніне орай «Археология – баға жетпес қазына» атты жылдам көрме, ақпарат сағаты өтті. Шараға Х.Досмұхамедов атындағы Атырау университетінің студенттері қатысты.
Археология - тарих ғылымының бір саласы, алғашқы қауымнан, көне заманнан, орта ғасырдан қалған заттай ескерткіштерді зерттеу арқылы адам қоғамының өткендегі тарихын анықтаса, археологтар сан ғасырлар бойы жердің қойнауында құпия болып жатқан жәдігерлерді тауып, заттай деректерді зерттеу арқылы, тарих бейнесін құрастырады.
Жылдам кітап көрмесінде З.Самашев «Берел», Қ.Сартқожа «Орхон мұралары», Ә.Марғұлан «Шығармалары» Т-9, З.Самашев, А.Ермолаева, Г.Кущ «Қазақ Алтайының көне қазыналары», Ә.Т. Төлеубаев «Қазақстан археологиясының қола және ерте темір дәуірі мәселелері» Т-1, И.Тасмағамбетов, З.Самашев «Сарайшық», «Қазақстанның ежелгі көшпелілер мәдениеті археологиялық коллекция. Ғылыми каталог», өткен тарихымызға деген қызығушылық танытқан шығармалардан ақпарат берілді.
Мақсаты: Қазақ халқының рухани құндылықтарын ұлықтауға үлес қосқан өлкеміздің тарихшы, археолог және этнограф ғалымдарының жетістіктері мен еңбектерін оқырман қауымға насихаттау.
