КАЛЕНДАРЬ 2024
05.07.23
«Астана – ұлтымызың рухани ордасы» көпшілік шара
Ғ.Сланов атындағы облыстық ғылыми әмбебап кітапханасы Астана күніне орай «Атырау оқитын қала» жобасы аясында Жастар саябағында «Астана – ұлтымызың рухани ордасы» атты көпшілік шара ұйымдастырылды. Шарада көзі көрмейтін және нашар көретін азаматтарға арналған арнаулы бөлім мерекелік сазды бағдарлама ұсынса, кітапхана қызметкерлері кітап көрмесімен викториналық сұрақтар ұсынылды. 1994 жылы Қазақстан Республикасы Жоғарғы Кеңесінде Қазақстанның астанасын Алматыдан Ақмола қаласына көшіру туралы ұсыныс жасалды. 1997 жылы 20 қазан айында астананы ауыстыру туралы Жарлыққа қол қойылған болатын. 1998 жылы 6 мамырда Ақмола қаласының атауы Астана болып өзгертілді. ЮНЕСКО шешімі бойынша «Бейбітшілік қаласы» атағын алды.
Мерекелік шарада «Белсенді ұзақ өмір сүруді қолдау орталығы» мүшелері мен кітапхана оқырмандарына кітап қорындағы Астана қаласының тарихы, саяси-экономикалық дамуы туралы кітаптарға мәлімет берілді. Белсенділік танытқан қатысушыларға кітапхана атынан естелік сыйлықтар тарту етілді.
Мақсаты: Елордамыздың 25 жыл ішінде даму жолдары мен тарихи кезеңдерін насихаттау арқылы Астананың абыройын асқақтатып, Астана қаласының тарихын білуге жетелеу.
