КАЛЕНДАРЬ 2024
01.06.23
«Бақытты балалар – бейбіт елдің тірегі»
Атырау қалалық әкімдігінің қолдауымен Ғ.Сланов атындағы облыстық ғылыми әмбебеп кітапханасы Қазақстан Республикасының оқырмандарды тарту және кітап оқуды насихаттау жөніндегі 2021-2023 жылдарға арналған іс шаралар жоспарына сәйкес және Халықаралық балаларды қорғау күніне орай, «Керемет» саябағында қазақ халқының мәдени мұрасының бір түрі халық ауыз әдебиетіндегі балалардың сүйікті кейіпкерлерінің бірі «Алдар көсе және сиқырлы қасық» ертегісінің қойылымы көпшілікке тарту етілді.
«Атырау – оқитын қала» жобасы аясында ұйымдастырылған мерекелік шарада кітапханамызға түскен жаңа балалар әдебиеттерінен «Сіздер үшін ең жаңасы» кітап көрмесі көпшілік назарына ұсынылды.
Сонымен қатар, балалар әдебиетінен және мақал - мәтелдер мен жұмбақтардан құралған викториналық сұрақтар ұйымдастырылып, белсенділік танытқан қатысушыларға естелік сыйлықтар тарту етілді.
Мерекелік шара соңында қатысушылар мен қала қонақтары арасында ұлттық ойындар ұйымдастырылды. Белсенділік танытқан қатысушылар көп болды. Мерекелік шара балаларға және қала қонақтарына есте қаларлықтай қызықты сәттер мен көңіл - күй сыйлады.
