КАЛЕНДАРЬ 2024
01.06.2023
«Бар мейіріміміз балаларға» мерекелік шара
Ғ.Сланов атындағы Атырау облыстық ғылыми әмбебап кітапханасы және «Жаныңдамын» волонтерлік ұйымының ұйымдастыруымен Атырау өңіріндегі әлеуметтік көмекті қажет ететін отбасыларымен жұмыс жасайтын «Analarga Komek Qoldaw» қоғамдық бірлестігімен бірлесіп «Бар мейіріміміз балаларға» атты мерекелік шара өтті. Кітап оқуды насихаттау және кітапқа деген қызығушылықты арттыру мақсатында «Ең жаңасы сіздер үшін» атты балаларға арналған жаңа кітаптардан кітап көрмесі жасақталып, балалардың сүйікті шығармасына айналған «Менің атым Қожа» повесі бойынша сұрақтар қойылды. Абай атындағы оқушылар орталығының мың бұралған бишілері би билеп, Құрманғазы атындағы саз мектебінің күйшілері өнерлерін ортаға салды. Мерекелік шараға қатысушы Болат Жанель Ермұрат Үсеновтың «Қоспасар» күйін орындаса, Жұмабай Амирхан «Ана туралы» поэзия, Наурыз Гүлсезім «Әлемді әлдилеген Ана» атты эсседен үзінді оқып, Ғани Айнара бисермен жұмыс жасау өнерін көрсетті.
Мақсаты: Балалардың рухани мәдениетін байытып, кітап оқуға деген құлшынысын арттыру, туған елі мен жерін сүюге, ата-анасын сыйлауға, үлкенге құрмет көрсетуге тәрбиелеу.
