КАЛЕНДАРЬ 2024
7.02.2022 ж.
«Бір кітап-бір тарих»
Ғ.Сланов атындағы облыстық ғылыми әмбебап кітапханасы мен Атырау облысы Білім беру басқармасының Таланттарды анықтау және қолдау орталығымен бірлесіп жазушы Шерхан Мұртазаның «Ай мен Айша» романы бойынша «Бір кітап - бір тарих» атты әдеби шара ұйымдастырды.
«Ай мен Айша» романы қазақ елінің тарихи мекендерінің бірі – Жамбыл облысына қарасты Жуалы ауданының Мыңбұлақ ауылында туып-өскен Барсхан дейтін баланың өмірін арқау еткен. Шығарманың басты кейіпкері баланың анасы Айша. Шығармада соғыс жылдарындағы аналардың символына айналған Айшаның тағдырдың ауыр тауқыметін тартып, қиындыққа мойымай, Аллаға сиынып, айға сырын ақтарып, сыртқы жаумен емес, ішкі қас-дұшпанмен арпалысқандығы шебер суреттеледі.
Әдеби шараға қатысушы жоғары сынып оқушылары аталған шығарма бойынша біліктіліктерін ортаға салды. Әділқазылар алқасының шешімімен шараға қатысушылар "Үздік оқырман", «Шебер оқырман", "Үздік буктрейлер" номинациясы бойынша марапатталды.
Мақсаты: Жазушы Шерхан Мұртазаның «Ай мен Айша» романын насихаттай отырып, жазушының шығармаларын оқуға, көркем әдеби шығарманы оқуға қызығушылығын қалыптастыру.
https://m.facebook.com/story.php?story_fbid=2492135670922140&id=329992653803130
