КАЛЕНДАРЬ 2024
05.06.2023ж.
«Экология және өмір» мерзімді басылымдар көрмесі
Ғ.Сланов атындағы облыстық ғылыми әмбебап кітапханасы Эколог күніне орай «Экология және өмір» атты мерзімді басылымдар көрмесін назарларыңызға ұсынады. Оқырмандар назарына екі тілде шығатын республикалық қоғамдық – экологиялық мерзімді басылым «Экологический курьер», Қазақстанның мұнайлы астанасының бас газеті «Ақ жайық», облыстық «Атырау», «Прикаспийская коммуна» т.б. мерзімді басылымдар беттерінде жарияланған мақалалармен қатар, табиғат құбылыстарына, айналадағы ортаға байланысты айтылған С.Ысқақовтың «Табиғатты қорғау дәстүріміз» («Қайнар, 1973), «Табиғат – ел байлығы» («Қайнар», 1979), Н.Родзевичтің «Табиғатты қорғау және көркейту» («Мектеп», 1984), «Табиғат ғажайыптары» (Қазақстан, 1986), «Мұнайлы өңірдің табиғаты» (Арыс», 2010) сондай-ақ, табиғат пайдаланудың экологиялық негізі, табиғи қорлардың түрлері, табиғат пайдаланудың қоршаған ортаға әсері, қазіргі экологиялық жағдайға байланысты табиғат қорғауды ұйымдастыру мәселелері туралы қамтылған А.Бродскийдің «Жалпы экологияның қысқаша курсы» (Ғылым, 1998), Г.Оспанованың «Экология» («Экономика», 2002), А.Баешовтың «Экология және таза су проблемалары» («Дәнекер», 2003), Ұ.Асқарованың «Экология және қоршаған ортаны қорғау» («Заң әдебиеті», 2008), А.Нұрғызарыновтың «Экология және тұрақты даму» («Фолиант», 2014) және т.б. көптеген әдебиеттерді ұсынамыз.
Мақсаты: Қазақстандағы табиғат, экология жағдайлары туралы оқырмандарға таныстыру және насихаттау.
