«Ғибратты ғұмыр»

6.10.2021 ж.

«Ғибратты ғұмыр» атты

кітаптың таныстырылымы   

Ғ.Сланов атындағы облыстық ғылыми әмбебап кітапханада Атырау облыстық тарихи өлкетану музейінің ұйымдастыруымен саналы ғұмырын ұрпақ тәрбиесіне арнаған, ұстаздық еңбекте үлкен табыстарға жете білген Еңбек ардагері, Қазақ ССР халық ағарту ісінің озық қызметкері, Қазақстан Республикасының еңбек сіңірген мұғалімі Ерім Қаріпұлының ұстаздық абыройлы еңбегін арқау еткен «Ғибратты ғұмыр» атты кітаптың таныстырылымы ұйымдастырылды. Шараға өнегелі өмір иесінің замандас-достары, шәкірттері, ауылдастары, жұбайы Дәмеш апай, ұрпақтары, сондай-ақ, Х.Досмұхамедов атындағы Атырау университеті мен Қ.Дүтбаева атындағы гуманитарлық колледждің оқытушылар қауымы мен студенттері қатысты. Атырау ауылдық округінің әкімі Нұрлан Жалғасұлы Ерім Қаріпұлының өнегелі өмір жолы туралы айта келіп, жаңа кітапқа сәт-сапар тіледі. Сондай-ақ, қызметтестері атынан сөз алған мәдениет саласының ардагері Сания Өтепқалиқызы, шәкірттері мен әріптестері атынан Нәрік Дүйсенұлы, Жомарт Құрметұлы «Ғибратты ғұмыр» кітабының бас кейіпкері туралы, адамгершілік қасиеттері, азаматтық тұлғасы туралы пікірін білдірді.

Шараға қатысушылар назарына «Білім берген, ой берген, сана берген...» атты кітап көрмесі ұсынылды.

https://m.facebook.com/story.php?story_fbid=3070763029831867&id=1699390660302451