КАЛЕНДАРЬ 2024
1 қазан - Қарттар күніне орай Ғ.Сланов атындағы Атырау облыстық ғылыми әмбебап кітапханасында «Қарттарым - қазынам» атты кітап көрмесі жасақталып, оқырмандар назарына ұсынылды. Кітапханашы Дана Батырғалиева оқырмандарға кітап көрмесін таныстыру барысында қазақтың көрнекті жазушысы Ғабит Мүсіреповтың «Ана ерлігі» атты әңгімесін, жан сарайы тағылымға толы абзал ана Ділда Матайқызының «Айналайындарым менің» (2015), қазақ халқы тарихында елге ерен еңбегімен үлес қосқан тұлғалар жайлы ой тербеген Г.Жұмабайқызының «Өмір өткелдері» (2017), Жеңіс Ароновтың «Ана жүрегі» (2007), «Ана даңқы» медалінің иегері Ардақты Ана Нұржамал Есполованың өзінің өмір жолы туралы жазылған «Ана жүрек» (2012) және тағы басқа әдебиеттермен қатар мерзімді басылымдар беттерінде жарық көрген жарияланымдарды әңгімесіне арқау етті.
Мақсаты: Мемлекетіміздің мызғымас тірегі қарттарымыз туралы, олардың болашақ үшін жасап жатқан еселі еңбегі мен жанұядағы мейірім шуағы туралы жазылған кітаптарды қалың оқырманға насихаттау.
