Қазақ руханиятындағы ұлы тұлға

28.09.2021 ж.

«Қазақ руханиятындағы ұлы тұлға»

кездесу  кеші  

 Ғ.Сланов атындағы Атырау облыстық ғылыми әмбебап кітапханасында композитор, жазушы, өнер зерттеушісі, суретші, Қазақстан мен Қырғызстанның еңбек сіңірген қайраткері Илья Жақановтың туғанына 85 жыл толуына орай «Қазақ руханиятындағы ұлы тұлға» атты кездесу  кеші оффлаин және онлайн форматтарында ұйымдастырылды. Шараға Атырау облысы мәдениет, архивтер және құжаттама басқармасына қарасты мәдениет және өнер мекемелерінің басшылары, жоғары, арнаулы орта оқу орындарының директорлары, зиялы қауым өкілдері, кітапхана оқырмандары қатысты.

     Шара қонақтары ақын, жазушы, ғалым, филология ғылымдарының докторы, Х.Досмұхамедов атындағы Атырау университетінің құрметті профессоры Жүсіп Қадыр Өтегенұлы, қобызшы, өнер зерттеушісі, этноаспаптанушы Ақнар Тәттібайқызы Шәріпбаева, ақын, Қазақстан Жазушылар Одағының мүшесі, Республикалық "Сарайшық" журналының бас редакторы Гүлзада Рахметқызы Ниетқалиева сан қырлы талант иесінің шығармашылығы жайында тебірене сыр шертті.

Шараға қатысушылар назарына Илья Жақановтың өнегелі өмір жолы мен шығармашылығынан сыр шертетін кітап көрмесі, слайд-шеру, сондай-ақ Ш.Сариев атындағы Атырау облыстық көркемсурет және қолданбалы өнер музейі ұсынған Илья Жақановтың  картиналарынан жасақталған жылжымалы көрмесі ұсынылды.

Мақсаты: Жастарға белгілі композитор Илья Жақановтың өнегелі өмір жолы мен шығармашылығы туралы кітаптарды оқуға қызығушылығын қалыптастыру.

https://m.facebook.com/story.php?story_fbid=1692127021178662&id=100011441407475