КАЛЕНДАРЬ 2024
14.04.2022 ж.
«Көркем сөздің шебері»
Ғ.Сланов атындағы облыстық ғылыми әмбебп кітапханасында 23 сәуір – Дүниежүзілік кітап және авторлық құқық күніне орай ұйымдастырылатын әдеби айлықтың аясында «Кітап. Ел. Рух» тақырыбымен көрнекті қаламгер, драматург, Қазақстанның халық жазушысы Сафуан Шаймерденовтың туғанына 100 жыл толуына орай «Көркем сөздің шебері» атты кітап көрмесі жасақталып, оқырмандар назарына ұсынылды.
Кітап көрмесіне шолу жасаған кітапханашы Нсанбекова Бике Карипқызы жазушының өмір жолы мен шығармашылығы туралы баяндап берді. Жазушының 100 жылдығына арналған көлемді кітап көрмесіне «Ақ жол» партиясы облыстық филиалының саяси жетекшісі Ә.С.Тулеушов, қалалық мәслихат депутаты Ж.Ы.Исмагулов, аппарат жетекшісі А.А.Кондыбаева қатысып, автордың шығармашылығы жайлы ой-пікірлерімен бөлісті.
Кітап көрмесінен С.Шаймерденовтың «Жыл құсы» («Жазушы», 1970), «Ағалардың алақаны» («Жазушы», 1990), «Әдеби толқындар» («Жазушы», 1986), «Селдің екпіні» («Жазушы» 1977), «Инеш», «Перелетные птицы» («Жазушы»1973), сонымен қатар, Үш томдық шығармалар жинағы «Таймас баспа үйі» 2011, «Алтын қалам» сериясымен жарық көрген «Хикаяттары» «Ан Арыс» баспасы 2010, Таңдамалы шығармалар жинағы (повестер мен пьесалар) «Таймас баспа үйі» 2012, Сафуан Шаймерденов «Ан Арыс» 2013 бес томдық таңдамалы шығармалар жинақтары орын алып, ұсынылды.
Мақсаты: С.Шаймерденовтың, өмір жолы мен шығармашылығы туралы оқырман қауымға кеңінен таныстыру.
