КАЛЕНДАРЬ 2024
21.04.2022 ж.
«Кітап. Ел. Рух.»
Ғ.Сланов атындағы Атырау облыстық ғылыми әмбебап кітапханасында 23 сәуір – Дүниежүзілік кітап және авторлық құқық күніне орай «Кітап. Ел. Рух.» атты әдеби айлық аясында мерекелік шара ұйымдастырылды. Жиналған кітапсүйер қауымы кітапхана мамандарының қатысуымен ұсынылған кітап оқуға үндейтін «Оқу – бұл сән» атты флэшмобты тамашалады. Шараға қатысқан №41 мектеп-гимназиясының 8 сынып оқушылары назарына «Кітап оқып, рухани бай бол» атты сөзжұмбақтар шеруі ұсынылды. Шеру барысында қазақ жазушыларының шығармаларынан үзінділер оқылып, шығарманың авторы мен атын тауып, тақтадағы тор көздерді толтыру керек болды. Бұл тапсырмаларды орындау барысында білімділіктерін көрсете білді.
Сондай-ақ, И.Тайманов атындағы орта мектептің 3 және 4 сынып оқушылары кітап туралы, оқу мәдениеті жайлы «Даналықпен сырласуға асықсаң...» атты сайысқа белсене қатысты. Сондай-ақ, шараға қатысушылар назарына «Өзің оқы, өзгеге ұсын» буккроссингінің кітаптар инсталляциясы ұсынылды.
Шара соңында Ғ.Сланов атындағы Атырау облыстық ғылыми әмбебап кітапханасының басшысы Сара Измұханбетова И.Тайманов атындағы орта мектептің 3 және 4 сынып оқушыларын «Алғыс хатпен» марапаттады.
