КАЛЕНДАРЬ 2024
26.10.2021 жыл
«Әлем күнмен, адам біліммен жарық»
Ғ.Сланов атындағы облыстық ғылыми әмбебап кітапханасында «Бір ел – бір кітап» республикалық акциясы аясында оқырмандарымызға «Тәуелсіздігіміздің 30 жылдығына – 30 кітап ұсынылған болатын, оның ішінде «Балалар әдебиеті» бойынша Ы.Алтынсариннің шығармашылығын насихаттауда, тұңғыш ағартушы, педагог-жазушы шығармаларына арналған онлайн өлеңдер шеруі ұйымдастырылды. Кітапханашы ағартушы - педагог, жазушы, этнограф, фольклоршы Ыбырай Алтынсариннің өмірі мен қызметіне тоқталып, кітапхана қызметкерлері А.Қ.Искакова «Кел , балалар оқылық», Серікқали Мөлдір «Өзен», №38 мектеп-лицейдің 8 сынып оқушысы Қайрош Қанат «Ей, достарым», М.Өтемісов атындағы орта мектептің 7 сынып оқушысы Серікқали Риза «Ананың сүюі» , №16 мектептің 6 сынып оқушысы Теміржан Диас «Бұл кім», Ы.Алтынсарин атындағы №11 орта мектептің 4 сынып оқушысы Амангелді Фатима «Әділдік көрмегені үшін төреге айтылған сөзі» тақырыбындағы шығармаларын оқыды.
Мақсаты: Оқырмандарға Ы.Алтынсариннің шығармаларын насихаттау арқылы кітап оқуға баулу.
