КАЛЕНДАРЬ 2024
2.04.2022 ж.
«Ұлы суретшілер тағылымы»
Ғабдол Сланов атындағы ғылыми әмбебап кітапханасы Арт – галереясында жоспарлы кезекті "Ұлы суретшілер тағылымы" атты кітап көрмесі мен видеослайдты шығармашыл жастардың назарына ұсынды. Шараны Арт-галереяның директоры Айтқожин Кенжебек ашып, жалпы суреттің бейнелеу өнеріндегі алатын орны ерекше екенін, бейнелеу өнері адамның дүниетанымын қалыптастыра отырып, байқампаздығын дамытып, логикалық ойлауға бейімдеп, көргендерін саналы ой елегінен өткізе білуге үйрететіндігін атап өтті.
Өнер бөлімінің кітапханашылары С.Р.Мұсағалиева мен А.І.Мұханова қазақ және орыс тілдерінде Қазақстанның бейнелеу өнерінің тарихы, қазақстанның қолданбалы өнері, шетел классикалық өнері туралы әңгімелеп, Қазақстан мен әлем суретшілері Ә. Қастеев, А. Ғалымбаева, Г. Ысмаилова, Эрмитаж және Третьяков галереясы туралы, көркем-эстетикалық бағыттағы кітаптардың мазмұнын ашып, өнер туралы кітаптар жанрларының түрлері туралы ақпарат жеткізді. Өнер сүйер шығармашыл жастар: Айтқожин Кенжебек, суретшілер Сәрсенбаева Дана, Кеңесов Ренат, Есен, Әсел, Закир әлемдік өнер қазынасына енген көрнекті суретшілердің туындылары туралы сұрақтар қойып, өз пікірлерімен бөлісті. Іс-шара кітапханашылар мен шығармашыл жастар арасында қызу диалог түрінде өтті. Суретшілердің өмірінен туындыларынан әрқайсысы қызықты эпизодтар айтты.
Мақсаты: өнер туындыларын түсіну, талғамды дамыту және бағалау. Шығармашыл жастарды әлемдік суретшілердің өмірі мен қызметі туралы кітаптармен таныстыру. Кітап оқуға деген қызығушылықты ояту, өнердің алуан түрлілігі туралы идеяны кеңейту.
