КАЛЕНДАРЬ 2024
16.09.2020 ж.
Мақаш әкімге арналған конференция
Ғ.Сланов атындағы облыстық ғылыми әмбебап кітапханасында қоғам қайраткері, ағартушы ғалым Мұхамеджан Бекмұхамбетовтың (Мақаш әкімнің) туғанына 190 жыл толуына арналған ғылыми-тәжірибелік конференция ұйымдастырылды. Шара барысында белгілі өлкетанушы, ақпарат саласының үздігі, «Құрмет» орденінің иегері Өтепберген Әлімгереев, Қазақстан жазушылар Одағының мүшесі, Қазақстан оқу ағарту ісінің үздігі, «Мақашпен қауышу» кітабының авторы Өмірзақ Қажымғалиев, белгілі ақын, Қазақстанның еңбек сіңірген қайраткері, Қазақстанның Құрметті журналисі Қойшығұл Жылқышиев, тарихшы-өлкетанушы Амангелді Шамғонов, Қазақстан білім беру ісінің құрметті қызметкері, Х.Досмұхамедұлы атындағы Атырау Мемлекеттік университетінің профессоры Шахман Нағымов, Минерология ғылымдарының докторы, өлкетанушы, тарихшы, ақын Нәсіпқали Сейітов, Қазақстанның еңбек сіңірген қайраткері, халықаралық экология және тіршілік қауіпсіздігі академиясының академигі Мағауия Шырдабаев, Қазақстан Республикасының мәдениет қайраткері Аманғали Әміржанұлы, мұнай-газ саласының қайраткері Серік Орекешев, мұнай саласының ардагері Тілекқос Сүйесінов өлкемізден шыққан белгілі ағартушы-ғалым Мақаш әкім туралы өздерінің ой-пікірлерін ортаға сала отырып, салиқалы әңгіме қозғады.
Конференцияға сондай-ақ Атырау қаласындағы 2016 жылы Мақаш әкімнің аты берілген орта мектеп директорының тәрбие ісі жөніндегі орынбасары С.А.Қожаева қатысып, мектеп оқушылары арасында мектептің Мақаш әкімнің атымен аталуына орай ұлығылау жұмыстарын өрбітіп отырғандарын тілге тиек етті.
Мақсаты: Мақаш әкімнің өмірі мен қызметі туралы насихаттай отырып, отаншылдыққа баулу.
https://www.facebook.com/1699390660302451/posts/2771684703073036/
