КАЛЕНДАРЬ 2024
04.12.2021 ж.
«Музыка - рухани байлық»
Ғ.Сланов атындағы облыстық ғылыми әмбебап кітапхана қызметкерлері «Kilen Hub» шығармашылық бірлестігі өкілдерімен кездесіп, дәстүрлі форматта акустикалық кеш ұйымдастырды. Ерсұлтан Бағытжанов пен Нұрсұлтан Зиядаев бастаған шығармашылық бірлестік жергілікті сазгерлердің авторлық әндерін тыңдармандар алдында жанды дауыста орындауға мүмкіндік жасады. Бірлестік жетекшілері оқырмандарды өз мақсаттарымен таныстырды. Кеш барысында кітапханашы оқырмандарға «Музыка - рухани байлық» атты кітап көрмесін жасақтап, музыка туралы кітаптарды насихаттап, таныстырды. «Kilen Hub» шығармашылық бірлестігінің мақсаты жергілікті жас әртістердің өзінің музыкасын дамытуға және көпшілікке танылуына көмектесу, сол арқылы қаламыздың талантты жастарына және өнердің дамуына қолайлы орта жасау екендігін атап өтті.
Оқырмандар назарына кітап көрмесінен орын алған Е.Балабековтың «Қазақтың музыкалық фольклоры» (2007), М.Ахметованың «Қазақ әндері» (1970), «Ән өнері және уақыт» (1993), Ә.Нұғманның «Қазақтың әншілік дәстүрі» (2009), Т.Бекхожинаның «Даланың назды саздары» (1996) атты кітаптары сонымен қатар «Қазақ музыкасы Антология» 1 және 2-томдары (2005), «Қазақ өнерінің тарихы» Т.3 (2008), «Қазақстанның тәуелсіздік жылдарындағы музыка өнері» (2013), «Дәстүрлі музыка мен композиторлық шығармашылықтағы тәуелсіздік идеясы» (2011) «Музыка туралы үлкен кітап» (2008), «Музыкадағы этномәдени дәстүрлер» (2000) атты кітаптар ұсынылды.
Мақсаты: Оқырмандар арасында музыкалық өнер және мәдени эстетикалық құндылықтар туралы әдебиеттерді насихаттау.
