КАЛЕНДАРЬ 2024
11.05.2022 ж.
«Өнер бағының бұлбұлы»
Ғ.Сланов атындағы облыстық ғылыми әмбебап кітапханасында қазақтың әйгілі әншісі, КСРО Халық әртісі Күләш Байсейітованың туғанына 110 жыл толуына орай «Өнер бағының бұлбұлы» тақырыбында кітап көрмесі ұйымдастырылды. Кітап көрмесі облыстық дарынды балалар мектеп интернатының оқушыларына таныстырылды. Көрме барысында кітапханашы қазақтың әйгілі әншісі, қазақ опера өнерінің негізін салушылардың бірі, қоғам қайраткері К. Байсейітованың өмір жолы туралы мәліметтерді әңгімесіне арқау етті. Оқырмандар назарына Күләш Байсейітова туралы жазылған «Қазақстан өнері» (1984ж.), «Гәкку» (1991ж.), М. Ахметова «Ән өнері және уақыт» (1993ж.), К.Кенжетаев «Асылдар мен Ардақтылар» (2002 ж.), «Қанабек Байсейітов туралы естеліктер» (2005ж.) және т.б әдебиеттер ұсынылды. Сонымен қатар К.Байсейітова туралы деректі фильм көрсетілді.
Мақсаты: Аты аңызға айналған қазақтың бұлбұл үнді сахна шебері барша қазақтың мақтан тұтатын талантты әншісі, дүниежүзіне танылған қайталанбас дарын иесі К. Байсейітованың өмір жолы мен шығармашылығы туралы оқырман қауымға таныстыру болып табылады.
