КАЛЕНДАРЬ 2024
17.05.2023
«Ақиқатты іздеген ақын» жыр кеші
Ғ.Сланов атындағы облыстық ғылыми әмбебап кітапханасында қазақ ақыны Мағжан Жұмабаевтың туғанына 130 жыл толуына орай «Ақиқатты іздеген ақын» атты жыр кеші ұйымдастырылды. Ақынның өмірі мен шығармашылығына арналған кітап көрмесі жасақталды.
Қазақ поэзиясында лирикасының сыршылдығы мен ойшылдығы қат-қабат келіп жататын өлең өлкесінде өшпес мұра қалдырған ұлы ақын – Мағжан Жұмабаев. Мағжан поэзиясының сезімталдығы мен суреткерлігі оқырманын талай рет тамсандырып, небір дуалы ауыздардың ілтипатына ие болып, өзіне тәнті еткен.
Жыр кешіне Атырау жоғары медициналық колледжінің студенттері мен кітапханашысы Нығыметова Батима Ғайниқызы және тұрақты оқырмандар Шакирова Сания Сарбасқызы, Қизат Қойыс Нұрболатұлы, №33 Қ.Қайсенов атындағы орта мектептің оқушысы Русланқызы Зарина қатынасып, М.Жұмабаевтың ақындық шабытынан туындаған жырларын сүйсіне оқыған студенттер адами қасиеттерге, сезім құпиясына, табиғатқа ақынша қарап түйсінгендей болды. Шараға қатысушылар ақынның «Жұлдызды жүзік, айды алқа қып берейін», «Сүй жан сәулем», «Мен жастарға сенемін», «Жан сөзі», «Анама», «Түркістан», «Туған жер», «Қазағым», «Жатыр» т.б. басқа өлеңдерін мәнерлеп оқыды.
Мақсаты: Қазақ поэзиясында өзіндік жаңашылдығымен дәстүр қалыптастырған, ізденістер арқылы ұлттық рухтан қуат алған жасампаз ақын Мағжан Жұмабаевтың жырларын оқырмандарға кеңінен насихаттау.
