КАЛЕНДАРЬ 2024
10.03.2022 ж.
«Парасат жолы»
Ғ.Сланов атындағы облыстық ғылыми әмбебап кітапханасы Атырау облысының Құрметті азаматы, Мемлекет және қоғам қайраткері, Қазақстанның еңбек сіңірген мұнайшысы Есен Тасқынбаевтың 90 жасқа толуына орай Салтанат Сарайында ұйымдастырылған шараға қатысушылар назарына «Парасат жолы» атты кітап көрмесін ұсынды. Кітап көрмесі Атырау облысының экономикасы мен мәдениетінің дамуына үлес қосқан Есен Тасқынбаевтың тұлғалық қасиеті мен ұлтжанды азаматтығын жас ұрпаққа үлгі етіп, өнегелі өмірі мен еңбек жолы туралы сыр шертетін әдебиеттерді кеңінен насихаттау мақсатында жасақталды. Кітапханашы кітап көрмесін таныстыру барысында Есен Тасқынбаевтың өнегелі еңбек жолы туралы мағлұмат айта отырып, кітап көрмесінен орын алған «Көңіл төріндегі тұлғалар» (Ақтөбе, 2012), Қ.Сұлтанғалиұлының «Есен Тасқынбаев» (Алматы, 2007), «Атырау облысы ардагерлерінің 100 есімі» (Атырау, 2019), «Адамдар.Тағдырлар: Люди. Судьбы», (Алматы, 2005), С.Сүлейменовтың «Жан шуағы», Х.Әубәкіровтың «Сырлы тағылым: публицистика, суреттемелер мен очерктер (Атырау, 2013), С.Мукашевтың «Летопись города Атырау» (Алматы, 2001); Б.Қорқытовтың «Атырау – атамекен» (Атырау, 2009); «Ел деп соққан жүрегі» естеліктер (құраст. Н.Құбашева) (Алматы, 2017), М.Сабырқызының «Шуақты күндер» (Алматы, 2007), О.Көшековтың «Ер қадірі – еңбекте» (Алматы, 1998), Қ.Құбашұлының «Өмір – ұстаз» (Атырау, 2012) және т.б. басылымдарды оқуға ұсынды.
Мақсаты: Атырау облысының экономикасы мен мәдениетінің дамуына үлес қосқан Есен Тасқынбаевтың тұлғалық қасиеті мен ұлтжанды азаматтығын жас ұрпаққа үлгі етіп, өнегелі өмірі мен еңбек жолы туралы сыр шертетін әдебиеттерді кеңінен насихаттау.
https://m.facebook.com/story.php?story_fbid=3189003548007814&id=1699390660302451&paipv=1
