КАЛЕНДАРЬ 2024
1.07.2022 ж.
«Саябақта кітап оқимыз!»
Атырау қалалық әкімдігінің қолдауымен Ғ.Сланов атындағы облыстық ғылыми әмбебап кітапханасы, «SENIMEN BOLASHAQ» республикалық ата-аналар қоғамдық бірлестігі және Облыстық балалар кітапханасының бірлесуімен Қазақстан Республикасының оқырмандарды тарту және оқуды насихаттау жөніндегі 2021-2023 жылдарға арналған іс шаралар жоспарына сәйкес және 2022 жыл - Балалар жылы аясында кітапханаға оқырмандарды тарту мен кітап оқуды насихаттау мақсатында Жастар саябағында «Саябақта кітап оқимыз!» атты көпшілік шара ұйымдастырылды.
Облыстық балалар кітапханасы "Менің сүйікті кейіпкерлерім" атты қызықты кітаптар шеруін көрсетіп, кітапхана қызметкерлері әртүрлі ертегі кейіпкерлеріне еніп оқырмандардың кітапқа деген қызығушылықтарын арттырды. Кішкентай бүлдіршіндеріміз әсем әуен шырқап, кітап кейіпкерлерімен естелік суреттерге түсті. Сонымен қатар шарада қазақтың әлемге танымал тарлан ақыны, қазақ поэзиясында дара қолтаңбасымен айшықталған, Халық жазушысы, Қазақстанның Еңбек Ері, ақын Мұхтар Шахановтың туғанына биыл 80 жыл толуына орай ұлт жанашыры туралы көбірек мағлұмат беретін «Логикалық мангала» атты викториналық сұрақтар қойылып, кітап көрмесі таныстырылды. Сонымен қатар ақынның күллі қазақ жатқа айтатын «Асыл жарым», «Өкпелемеймін» және т.б әндері шырқалды. Жастар арасында жиі оқылатын әрі сұранысқа ие қазақ және орыс тілдерінде жарық көрген мотивациялық, психологиялық, көркем әдебиет пен аударма бағытындағы кітаптар насихатталды.
Шара соңында белсенділік танытқан қала тұрғындарына «SENIMEN BOLASHAQ» республикалық ата-аналар қоғамдық бірлестігі сыйлықтарын тарту етті.
