КАЛЕНДАРЬ 2024
9.02.2022 ж.
«Өтірік айтпайтын күн»
Ғ.Сланов атындағы облыстық ғылыми әмбебап кітапханасы 2022 жыл - Балалар жылы болып жариялануына орай жаңа әдебиеттерді таныстыру мақсатында жазушы Әлібек Файзуллаұлының «Өтірік айтпайтын күн» (Алматы, «Таймас», 2021 ж.) атты кітабы бойынша видеороликті әлеуметтік желі қолданушыларының назарларына ұсынды. Кітапқа әңгімелер, ертегілер, хикаят, аңыз-дастандар, сахналық қойылымдар енгізілген.
Туындының туы – талап, арман, кішіпейілділік, адалдық, арлылық, ерлік пен елдік... Осы атаулы қадір-қасиеттер жазушының «Жақсы көру», «Сағыныш», «Өтірік айтпайтын күн» әңгімелерінің, «Өмірдің мәні», «Алтын елеуіш» ертегілерінің ерен қабырға-желісіне айналған. Кітапта балаларға арналған әңгімелер, ертегілер, хикаяттар, аңыз-дастандар, сонымен қатар балаларға арналған сахналық қойылымдар ұсынылып отыр.
Мақсаты: Жазушы Әлібек Файзуллаұлының «Өтірік айтпайтын күн» атты кітабын насихаттай отырып, жас оқырмандардың кітап оқуға қызығушылығын қалыптастыру, кітапхананы, Коворкинг орталықтың жұмысын насихаттау.
