КАЛЕНДАРЬ 2024
21.04.2022 ж.
«Жүйрік қалам иесі»
Ғ.Сланов атындағы Атырау облыстық ғылыми әмбебап кітапханасында 23 сәуір - Дүниежүзілік кітап және авторлық құқық күніне орай ұйымдастырылатын әдеби айлықтың аясында, жазушы, публицист, сыншы Камал Смайыловтың туғанына 90 жыл толуына орай «Жүйрік қалам иесі» атты кітап көрмесіне библиографиялық шолу жасалып, оқырмандар назарына ұсынылды. Библиографиялық шолу барысында белгілі сыншының өмірбаяндық деректері айтылды.
Камал Смайыловтың қаламынан 15 публицистік-танымдық кітап дүниеге келді, өзекті мәселелерді көтерген 350-ден астам көркем очерктері мен мақалалары жарық көрді.
Көрмеге қойылған кітаптар: К.Смайылов «Ғасыр қырқасында: (2000 жылға саяхат) «Жалын» 1986, «Жолданбаған 27 хат» (тарихи оқиғаларды бағалау, еліміздің бүгіні мен болашағы жайлы ой толғамдар) «Қазақстан» 1992, К.Смайылов, Ш.Мұртаза «Елім, саған айтам, ел басы, сен де тыңда!»(Ұлт қасиеті мен ұрпақ болашағы жайлы толғаныстар) «Қазақстан» 1998, «Сан қырлы тұлға» (Камал Смайылов туралы естеліктер), «Алатау» 2012, К.Смайылов. Көп томдық шығармалар жинағы 1 т. «Қазығұрт» 2012.
Жазушының өмірі мен шығармашылығы жайлы: З.Асабаев «Замана тынысы», Ә.Кекілбаев шығ. 12 том, Т.Молдағалиев шығ. 15 том, Ж.Әбдіраш «Құлпытас», Ж.Ерман шығ. жинағы 3 том, Ж.Нұрғожаев «Парасат жолы» т.б. Көрмемен кітапхананың тұрақты оқырмандары мен мектеп оқушылары танысты.
Мақсаты: Жас оқырмандарға қазақ жазушысы, публицист, сыншы Камал Смайыловтың шығармаларымен таныстыру, қазақ әдебиеті мен сөз өнерін оқуға, тереңірек білуге жетелеу.
