КАЛЕНДАРЬ 2024
10.08.2022 ж.
«Жүрегіңе сүңгі де, түбін көзде...»
Ғ.Сланов атындағы облыстық ғылыми әмбебап кітапханасында 10-тамыз – Абай күні аясында «Жүрегіңе сүңгі де, түбін көзде...» атты әдеби-ақпараттық сағат ұйымдастырылды. Шараға ҚРҰлттық Ұланының №5546 әскери бөлімінің сарбаздары, аға лейтенант Татымбаев Ерболат Жүсіпұлы және кітапхананың тұрақты оқырмандары қатысты.
Шара барысында қазақ халқының ұлы ақыны, ғұлама-ойшылы, композиторы, аудармашы Абай Құнанбаевтың туған күніне орай «Абай – дана, Абай – дара қазақта» атты кітап көрмесі жасақталып, оқырмандар назарына ұсынылды. Көрмені кітапханашы Бике Карипқызы таныстырды. Ол Ұлы Абайдың 1966-жылы Мәскеуде жарық көрген кітабынан бастап, қазіргі уақытқа дейінгі кітаптары туралы ақпарат берді. Жазушы Роллан Сейсенбаевтың қолдауымен 2019-жылы «Халықаралық Абай клубы» баспасынан жарыққа шыққан 10 томдық шығармалар жинағын таныстырды.
Кітапханашылар А.Х.Искакова, Б.Е.Тұрғанова, Ж.Н.Мұқтарова, Г.Х.Шынтаева, сондай-ақ, кітапхананың тұрақты оқырмандары Абайдың нақыл сөздері туралы пікірлерін ортаға салды.
Шарада оқырмандар назарына Абайдың шығармашылығы туралы мағлұматтарды қамтитын слаид шеру ұсынылды.
Сондай-ақ, кітапхананың Арнаулы бөлім мамандары аталмыш мерейлі күнге орай «Соқырлар қоғамы» мүшелерімен Атырау қаласындағы Абай атындағы Оқушылар Орталығының алдындағы Абай ескерткішіне гүл шоқтарын қойды.
Мақсаты: Ұлы Абай шығармаларын насихаттау арқылы оқырмандарды кітап оқуға қызығушылықтарын қалыптастыру
