КАЛЕНДАРЬ 2024
15.08.2022 ж.
Жыршымен кездесу
Ғ.Сланов атындағы Атырау облыстық ғылыми әмбебап кітапханасында республикаға танымал павлодарлық ақын, Абайтанушы, жыршы, фольклортанушы ретінде оқырман қауым арасында бабалардан жеткен ұлы мұра - жыршылық дәстүрді насихаттап жүрген Даниял Сабырұлы Әсеновпен кездесу кеші ұйымдастырылды. Шараға кітапхананың оқырмандары, кітапхана мамандары, сонымен бірге «Белсенді өмір сүру орталығының» мүшелері қатысты. Шара қонағы Даниял Сабырұлының «Қыз Жібек» лиро –эпостық жырын нақышына келтіре асқан шеберлікпен жатқа орындауына оқырман қауым таңдана әрі тамсана қол соқты. Оқырмандар шара қонағының жыршылық дәстүрді насихаттап жүрген жанкешті еңбегіне толағай табыстар тілеп, өз пікірлерін ортаға салды. Шара соңында кітапхана басшысының міндетін атқарушы М.Л.Даулеткалиева бүгінгі шараның рухани өміріміздегі ерекше оқиға екендігін атап өтіп, оқырмандар қауымы атынан Абайтанушы, жыршы, фольклортанушы Д.С.Әсеновке «Алғыс хат» табыстап, естелікке кітаптар сыйлады.
Мақсаты: Жыршылық дәстүрді наситхаттай отырып, оқырмандардың әдебиетке қызығушылығын қалыптастыру.
