КАЛЕНДАРЬ 2025
11.07.2025
11 шілде күні кітапханада «100 кітап» ұлттық сауалнамасы аясында зиялы қауым өкілдерінің оқырмандармен кездесуі өтті.
Кездесу барысында шара модераторы, кітапхана басшысы - Сара Салахединқызы «100 кітап» ұлттық сауалнамасының әлеуметтік маңызы мен кездесудің басты мақсаты туралы сөз сөйледі.
Кездесуге зиялы қауым өкілдерінен Х. Досмұхамедов атындағы Атырау университетінің бірқатар оқытушы профессорлары мен Қазақстан Жазушылар одағының Атырау облыстық өкілі Дәулетбаева Алия қатысып өз пікірлерімен бөлісті.
Қазіргі уақытта елдегі әдеби мұраны сақтау және дамыту мақсатында отандық авторлардың 100 ең үздік кітабы туралы жалпыұлттық сауалнама жүргізілуде.
Сауалнамаға оқырмандар «Электронды үкімет» инфрақұрылымы Egov.kz ресми порталы арқылы қатыса алады.
Аталған жалпыұлттық сауалнама нәтижесін 10 тамыз – Абай күнінде жариялау жоспарланып отыр. Іріктелген үздік «100 кітап» ұлттық зияткерлік әлеуетін арттыруға және қазақ әдебиетінің рөлін күшейтуге септігін тигізері анық.
