Ғ. Сланов атындағы облыстық ғылыми-әмбебап кітапханасында 6 шілде - Астана күніне байланысты "Ел жүрегі - Астана" атты шара өткізілді.
Шараға Атырау қалалық жұмыспен қамту және әлеуметтік бағдарламалар бөлімінің әлеуметтік осал топтағы азаматтарды қолдау мақсатында құрылған "Тең қоғам" әлеуметтік жобасының мүшелері қатысты.
Оқырмандар Астана қаласы туралы викториналық сұрақтарға жауап берді, зияткерлік ойындар ойнады, сонымен қатар қызықты да тың деректермен танысты. Белсенді оқырмандарға кітаптар сыйға тарту етілді.
Шара соңында Астана күніне байланысты кітапхана қорындағы әдебиеттерден жасақталған кітап көрмесі таныстырылды. Өз кезегінде "Тең қоғам" әлеуметтік жобасының мүшелері кітапхана ұжымына өз алғыстарын білдірді.